भारतमा विश्वकै सबैभन्दा बढि दैनिक कोरोना संक्रमति, अमेरिका र ब्राजिललाई उछिन्यो

   
   128   पटक पढिएको

काठमाडौं । नेपालको छिमेकी मुलुक भारतमा विश्वकै सबैभन्दा बढि डरलाग्दो रुपमा कोरोना संक्रमण फैलिरहेको तथ्याङ्कहरुले देखाएको छ । हालसम्म कूल संक्रमितको संख्या ५० लाख नाघिसकेको अमेरिकाको भन्दा तीव्र गतिमा भारतमा कोरोनाको संक्रमण फैलिइरहेको छ ।

पछिल्लो साता भारत विश्वका सबै देशलाई उछिन्दै दैनिक कोरोना संक्रमितको सूचिमा सबैभन्दा अगाडि छ । भारतमा दैनिक संक्रमण भेटिनेको संख्या ६० हजार माथि पुगेको छ । पछिल्लो २४ घण्टामा भारतमा ६२ हजार १७० जना नयाँ मानिसमा कोरोनाको संक्रमण पाइएको छ । त्यस्तै दैनिक मृत्यु हुनेको संख्या आठ सय भन्दा माथि छ । पछिल्लो २४ घण्टामा ८९९ जनाको मृत्यु भएको वल्डोमिटर्सले जनाएको छ । तथ्याङ्क अनुसार भारतमा हालसम्म २० लाख २७ हजार भन्दा बढि कोरोनाबाट संक्रमित भइसकेका छन् । त्यस्तै निको हुनेको संख्या पनि भारतमा उच्च छ । हालसम्म १३ लाख ७८ हजार १०५ जना भारतीयहरु कोरोनालाई जितेर दैनिक काममा फर्किसकेका छन् । यद्यपि ४१ हजार ६३८ जनाले कोरोना संक्रमण भएर मृत्युवरण गरेका छन् ।

कोरोना संक्रमण दैनिक फैलने क्रमको विश्लेषण गर्दा दोस्रोमा अमेरिका छ । अमेरिकामा दैनिक ६० हजार भन्दा केही तल संक्रमण छ । तथ्याङ्क अनुसार अमेरिकामा पछिल्लो २४ घण्टामा ५८६११ जना नयाँ मानिसमा कोरोना भाइरसको संक्रमण भएको छ । अमेरिकामा कूल संक्रमितको संख्या ५० लाख नाघिसकेको छ भने मृत्यु हुनेको संख्या एक लाख ६२ हजार छ । त्यस्तै २५ लाख ७६ हजार अमेरिकीहरुले कोरोना भाइरसविरुद्धको लडाई जितेका छन् भने अझै २२ लाख मानिसमा कोरोना भाइरस मुक्त हुन बाँकी छ ।

उता, दक्षिण अमेरिकी मुलुक ब्राजिलमा पनि भयावह हुने क्रम जारी छ । ब्राजिलमा पछिल्लो २४ घण्टामा ५४ हजार ८०१ जना नयाँ मानिसमा कोरोना भाइरस पुष्टि भएको छ भने एक हजार २२६ जनाले मृत्युवरण गरेका छन् । ब्राजिलमा कूल २९ लाख मानिस कोरोना भाइरसबाट संक्रमित भएका छन् भने हालसम्म ९८ हजार ६४४ जनाको मृत्यु भइसकेका छ ।

नेपालको छिमेकी मुलुक भारतमा दन्किदै गएको कोरोनाको संक्रमणको कारण नेपाललाई समेत जोखिममा पार्दै आएको छ । नेपालमा भेटिएका र मृत्यु भएका अधिकांश कोरोना संक्रमितहरु भारतबाटै आएकाहरु छन् । भारतमा समयमा कोरोना भाइरस नियन्त्रणमा लिन नसक्दा कामको लागि भारतका विभिन्न ठाउँमा पुगेका नेपालीहरु घर फर्कदा सँगै कोरोना लिएर फर्केका कारण अहिले नेपालको गाउँ गाउँमा कोरोनाको संक्रमण फैलिन पुगेको विश्लेषण गरिएको छ । भारत विश्वकै लागि कोरोनाको हटस्पट बन्दै गर्दा नेपालमा त्यसले ठूलो असर पार्न सक्ने भन्दै सर्वसाधारणहरु त्रसित बनेका छन् ।

पछिल्लो तथ्याङ्क अनुसार विश्वभर कोरोनाबाट संक्रमितको संख्या दुई करोड पुग्न लागेको छ भने मृत्यु हुनेको संख्या ७ लाख भन्दा माथि छ । चीनको वुहानबाट गत वर्ष सुरु भएको कोरोना हाल विश्वका २१३ वटा देशमा फैलिइसकेको छ ।

सम्बन्धित शीर्षकहरु

तपाईको प्रतिक्रिया



खेलकुद

आईपीएल खेल्न सन्दीप यूएईतर्फ

नेपाली लेग स्पिनर सन्दीप लामिछाने इण्डियन प्रिमियर लिग (आईपीएल) खेल्न संयुक्त अरब इमिरेट्स (यूएई) तर्फ लाग्नुभएको छ ।

सन्दीप क्यारेबियन लिग क्रिकेट खेल्न बिहीबार जाँदै

क्यारेबियन प्रिमियर लिग-सीपिएल क्रिकेटमा सन्दीप लामिछानेको सहभागिता निश्चित भएको छ। उनका म्यानेजर रमन सिवाकोटीका अनुसार सन्दीप बिहीबार क्यारेबियन क्रिकेट खेल्न प्रस्थान गर्दैछन्।

लुकाकु र सान्चेज दुवैले गरे गोल, युभेन्टसलाई पट्याउँदै इन्टर मिलान

इन्टर मिलान इटालियन सिरी ए फुटबलको दोस्रो स्थानमा पुगेको छ ।

अन्तराष्ट्रिय

भारतमा कोरोनाबाट एक जना मन्त्रीको मृत्यु, अवस्था झनै भयावह बन्दै

भारतमा कोरोनाबाट एक जना मन्त्रीको मृत्यु, अवस्था झनै भयावह बन्दै

भाइरस नहुँदो हो त मान्छेले बच्चा जन्माउनुको साटो अण्डा पार्ने थियो

यो समय पुरा विश्व कोभिड–१९ को महामारीको चपेटामा छ । यसका लागि एक भाइरस जिम्मेवार छ, जसलाई नोभल कोरोनाभाइरस अथाव सार्स कोभ–२ नाम दिइएको छ ।

विश्वभर १ करोड २८ लाखभन्दा बढीलाई कोरोना, अमेरिकामा मात्रै साढे ३३ लाख संक्रमित

विश्वभर १ करोड २८ लाखभन्दा बढीलाई कोरोना, अमेरिकामा मात्रै साढे ३३ लाख संक्रमित


विचार/ब्लग

बीमा गर्दा कुन कुन विषयमा ध्यान दिने ?

बिमितले बीमा गर्दा विभिन्न कुराहरुमा ध्यान दिनुपर्दछ । कतिपय मानिसहरुले अभिकर्ताले भन्ने वित्तिकै बीमा गरेको पाइन्छ तर बीमा गर्दा आफुलाई पनि थाहा हुन जरुरी छ ।