वीर अस्पतालमा अब कोभिडका बिरामीको मात्र उपचार

   
   61   पटक पढिएको

२१ भदौ, काठमाडौं । सरकारले देशकै पुरानो अस्पताल वीर अस्पताललाई कोभिड विशेष अस्पताल बनाएको छ ।

देशभरका विरामी उपचार गर्न आउने यस अस्पतालमा अब कोरोना संक्रमितको मात्र उपचार गरिन्छ । अन्य रोगको उपचार गर्न आउनेलाई नजिकैको राष्ट्रिय ट्रमा सेन्टरमा पठाउने सरकारको योजना छ ।

स्वास्थ्य तथा जनसंख्या मन्त्रालयको इन्सिडेन्ट कमान्ड सिस्टमको आइतबारको बैठकले वीरलाई कोरोना विशेष अस्पताल बनाउने निर्णय गरेको प्रवक्ता डा. जागेश्वर गौतमले मिडिया ब्रिफिङमा जानकारी दिए ।

वीर अस्पतालका निर्देशक डा. केदार सेञ्चुरीका अनुसार वीर अस्पतालले अब कोरोना संक्रमितबाहेक अन्य रोगका बिरामीको भर्ना लिने छैन । तर अहिले उपचाररत बिरामी निको भएर डिस्चार्ज नहुँदासम्म अन्यत्र सारिने छैन । ‘१७० जना बिरामी अन्य रोगको उपचार गराइरहेका छन्, उनीहरुलाई अहिले नै सार्न सम्भव छैन’ डा. सेञ्चुरीले भने । राष्ट्रिय ट्रमा सेन्टरमा यी बिरामी अटाउने ठाउँ नभएकाले सार्न नसकिने उनले बताए ।

हाल वीर अस्पतालमा कोरोना संक्रमित र अन्य रोगका बिरामीको सँगसँगै उपचार भइरहेको छ । त्यसका लागि स्वास्थ्यकर्मीको दुई टिम बनाइएको छ । संक्रमितको उपचारमा संलग्न स्वास्थ्यकर्मीले अन्य बिरामी जाँच्दैनन् ।
वीरमा हाल स्वास्थ्यकर्मीसहित ६५ जना कोरोना संक्रमित आइसोलेसनमा उपचाररत छन् । कोरोना संक्रमितको उपचारका लागि १० आईसीयू र १० भेन्टिलेटर छन् ।

मन्त्रालयले कोभिड विशेष अस्पताल बनाउने निर्णय गरेपछि वीर अस्पतालले आइसोलेसन बेड थप्ने तयारी गरेको छ । ३ दिनभित्र ११० जना अट्ने आइसोलेसन बेड बनाउन सकिने निर्देशक डा. सेञ्चुरी बताउँछन् । त्यसका लागि अहिले धमाधम काम भइरहेको छ ।

२ हप्ताभित्र ३०० बेडको आइसोलेसन बनाउन सकिने उनले जानकारी दिए । वीरमा उपचाररत अरु बिरामी निको भई डिस्चार्ज भएपछि कोरोना संक्रमितको उपचारका लागि २६ वटा आईसीयू र २६ भेन्टिलेटर प्रयोग हुनेछ ।

ओपीडी सञ्चालन हुने

कोभिड विशेष अस्पताल बनाए पनि वीर अस्पतालले बहिरंग (ओपीडी) सेवा र इमर्जेन्सी सेवा भने दिनेछ । त्यहाँ आउने बिरामीको लक्षण र यात्रा विवरणका आधारमा स्वाब संकलन गरी कोरोना परीक्षण हुनेछ ।

यदि कोरोना संक्रमित पुष्टि भएमा वीर अस्पतालकै आईसीयूमा राखिनेछ भने रिपोर्ट नेगेटिभ आएमा ट्रमा सेन्टरमा पठाइने डा. सेञ्चुरीले बताए । रिपोर्ट नआउँदासम्म सम्भावित संक्रमितलाई राखिने छुट्टै वार्डमा राखिने उनको भनाइ छ ।

वीर अस्पतालमा सामान्यदेखि जटिलसम्म सबैजसो रोगको उपचार हुँदै आएको थियो । गाउँका सर्वसाधारणले कम शुल्कमा सबैजसो रोगको उपचार गर्न पाउने यस अस्पताललाई कोरोना संक्रमितको उपचारमा मात्र लगाउँदा अन्य रोगका बिरामीले उपचार गर्न नपाउने अवस्था आउने जनस्वास्थ्य विज्ञहरुले बताएका छन् ।

 

सम्बन्धित शीर्षकहरु

तपाईको प्रतिक्रिया



खेलकुद

आईपीएल खेल्न सन्दीप यूएईतर्फ

नेपाली लेग स्पिनर सन्दीप लामिछाने इण्डियन प्रिमियर लिग (आईपीएल) खेल्न संयुक्त अरब इमिरेट्स (यूएई) तर्फ लाग्नुभएको छ ।

सन्दीप क्यारेबियन लिग क्रिकेट खेल्न बिहीबार जाँदै

क्यारेबियन प्रिमियर लिग-सीपिएल क्रिकेटमा सन्दीप लामिछानेको सहभागिता निश्चित भएको छ। उनका म्यानेजर रमन सिवाकोटीका अनुसार सन्दीप बिहीबार क्यारेबियन क्रिकेट खेल्न प्रस्थान गर्दैछन्।

लुकाकु र सान्चेज दुवैले गरे गोल, युभेन्टसलाई पट्याउँदै इन्टर मिलान

इन्टर मिलान इटालियन सिरी ए फुटबलको दोस्रो स्थानमा पुगेको छ ।

अन्तराष्ट्रिय

भारतमा कोरोनाबाट एक जना मन्त्रीको मृत्यु, अवस्था झनै भयावह बन्दै

भारतमा कोरोनाबाट एक जना मन्त्रीको मृत्यु, अवस्था झनै भयावह बन्दै

भाइरस नहुँदो हो त मान्छेले बच्चा जन्माउनुको साटो अण्डा पार्ने थियो

यो समय पुरा विश्व कोभिड–१९ को महामारीको चपेटामा छ । यसका लागि एक भाइरस जिम्मेवार छ, जसलाई नोभल कोरोनाभाइरस अथाव सार्स कोभ–२ नाम दिइएको छ ।

विश्वभर १ करोड २८ लाखभन्दा बढीलाई कोरोना, अमेरिकामा मात्रै साढे ३३ लाख संक्रमित

विश्वभर १ करोड २८ लाखभन्दा बढीलाई कोरोना, अमेरिकामा मात्रै साढे ३३ लाख संक्रमित


विचार/ब्लग

बीमा गर्दा कुन कुन विषयमा ध्यान दिने ?

बिमितले बीमा गर्दा विभिन्न कुराहरुमा ध्यान दिनुपर्दछ । कतिपय मानिसहरुले अभिकर्ताले भन्ने वित्तिकै बीमा गरेको पाइन्छ तर बीमा गर्दा आफुलाई पनि थाहा हुन जरुरी छ ।